السلام عليكم جميعا يا ترى اخباركم ايه
يارب تكونوا بخير
انا النهارده فى سوال محيرنى
ليه دايما  كل البنات او معظمهم يقولوا على الاولاد انهم  مش مخلصين فى حبهم
وانهم ممكن ينسوا بسهوله ؟؟؟
وثانيا
انا عارف ان الانسان لو خرج من تجربه اكيد مش هينساها خصوصا لو حب بجد
وان لو قابل انسانه تانيه كويسه ممكن يحبها
هل البنات هما كده كمان   ولا لما بيحبوا بيحبوا مره واحده بس زى ما سمعت من ناس كتير

عايز اعرف رايكم ؟؟؟؟









10 التعليقات:

sweet angel يقول...

الحكايه كلها ان الولد بس بينسى بسرعه
وبيعيش الواقع
انما البنت قلبها غالب عليها
فبتعيش في ذكرياتها مده اطول

ده المفروض الوضع الطبيعي
انما في زمن العجايب الي احنا عايشين فيه ده الي فيه البنت هي الي بتروح تطلب ايد الولد
مفيش اي حاجه تخضع لاصول
كل القواعد اتقلبت
ممكن تلاقي واحد مجروح وعايش على جراحه
وتلاقي بنت بتسيب كل يوم واحد

بس الاكيد ان الحب الحقيقي صعب يتنسي
وباكورة الاشياء ليها طعم مختلف يعني الحب الاول ليه مذاق تاني
والجرح الاول بردو مش بيتنسي ابدا

علشان كده الواحد لازم يختار بتأني وبراحته علشان مش يغلط

ربنا يرضى عنك ويزكي نفسك ويرزقك السعاده

كلام من قلبي يقول...

الحكاية ان البنت لما تحب بجد مش بتنيى لو اتجرحت
تفضل ديما على الذكريات
لكن الولد سهل انو ينسى

خواطري مع الحياة يقول...

السلام عليكم
البنت بطبعها حساسة رقيقة
يعني لما تحب تحب بكل كيانها
تعيش بالاحلام والخيال وترسم وتخطط
لما فجاءة تنصدم بفشل حبها متنساش
وعمرها ماتنسى حتى لو تزوجت ماتنسى الحب الاولاني
اما الولد من طبعه الحزم والواقعية
يفكر بعقلة لما تفشل تجربة الحب ممكن يحب بنت تانية تنسية الحب الاولاني
لكن مش كل الاولاد زي بعض في من يحب وماينسى حبه ليها مهما طال الدهر حتى لو تزوج ماينسيها تفضل معششها بذاكرته ماتخرج منها وكمان البنت زي الولد تفضل ذاكرها مهما طال الزمن
باختصار الي يحب بجد مهما كان بنت ولا ولد وميلعبش ماينسى حبه حتى لو فشل وكل واحد منهم راح بسكه
يارب تكون فهمت قصدي
تقبل مروري
سلامي ليك.

love is life يقول...

بجد كلكم كلامكم واقعى جدا
ومظبوط جدا
بس انا كنت عايز اوصل
فى النهايه
ان اللى يحب بجد مهما كان ولد او بنت
مش هينسى حبه الاوللانى
ودى انتوا اتفقتوا عليها
بس السوال التانى بقا
ان البنت ممكن تحب تانى ولا لاء ؟؟؟؟

ساسو يقول...

انا هتكلم عن نفسي
انا لما بحب بحب بجد
بخلص اخلاص ملوش زي
ببقي شايفه حبيبي هو الملاك اللي عايش علي الارض
بعمل كل اللي بامكاني علشان اسعده
بوهبه حياتي وروحي وعقلي
ودي هتضحكك بس والله حقيقه
انا لما ابقي ماشيه في الشارع ويقابلني اي ولد مهما كان مش ببص عليه خالص
لان بقول لنفسي انا لو بصيت عليه ابقي كده بخون حبيبي
وطول عمري عايشه علي المبدأ دا
في حاله الجرح بقي
انا بحاول ابان انها فارقه معايا وكده
لكن من جوايا عمر قلبي ما زعل من حبيبي و لا أسي عليه
ممكن الجرح يبقي بزياده عليا
لكن بكلمه واحده منه بنسي كل الجراح
ولا كأنه في يوم جرحني
دا بالنسبه ليا انا مش عارفه باقي البنات ايه
لكن الاولاد بيجرحوا وممكن يكونوا بيسببوا جرح ملوش دوا
ممكن في الاول يبقوا بيتعذبوا شويه بس مش كتير
لكن الايام بتنسيهم الحب
وفي لحظه بيقابلوا حب تاني
ولا كأن كانوا بيحبوا أولاني
ومتفرقش معاهم عذاب حبيبتهم
دا اللي منتشر كتير اوي
بس في اولاد زي حبيبي كده لو لف الدنيا وشاف بنات العالم انا اللي في قلبه
ويزعلني يصفالي علطول

بس انا من رأيي ان اللي يحب بجد يخلص لاخر يوم في عمره

وخصوصا الحب الاول صعب جدا جدا جدا يتنسي

البنت ممكن تحب تاني ولا لأ؟؟
انا عمري ما احب غيره
مهما كانت الظروف
ومهما بعد عني
هو الوحيد اللي في قلبي
وقلبي حلف ما يدق لغيره

تسلم افكارك

ساسو يقول...

يالهوووي
ايه الكلام الطويل دا
معلش بس سؤالك اخدني لفوق
دلوقتي تقول البنت ساسو دي رغايه اوي ههههه

love is life يقول...

ساسو
هههههههههههه
هوه كلام طويل ااااااه
بس زى العسل استفدنا منك كتير
وربنا يسعدك يارب
ويسعدنا احنا كمان
المشكله مثلا انى حبيت واحده
ومحصلش نصيب معنى كده انى مش هحب غيرها
انا بقالى دلوقتى سنتنين ومش عارف انساها
يا ترى حيا تى هتبقى كده
ولا ممكن احب تانى ؟؟؟؟


معلشى انا طولت فى الاسئله
بس محتاج منكم الاجابه

خواطري مع الحياة يقول...

السلام عليكم
بص ياالحب هو الحياة
ايوة ممكن تحب تاني اذا لقت من ينسيها الحب الاولاني
هو طبعا الحب الاولاني ميتنسيش
لكن لو لقت من حبهاوعاملها احسن من الحب الاولاني ونساها ممكن تحب. ويمكن اكتر من الاوني.
تقبل مروري
سلامي ليك.

خواطري مع الحياة يقول...

السلام عليكم
كل ماقراء تعليق الاقي فيه سؤال
انت محبتش مرة تانية عشان انت مش عايز تنسيها يمكن لانك ماتفكر انك تحب وكل ما تتقرب من بنت فتكرة الحب الاول
حاول انك تسيطر على عقلك واكيد ربنا هيكرمك وهتحب وهتلاقي من تسعدك وتحبها وتحطك فوق راسها
كل تاخيره وفيها خيره
اكيد هيجي يوم وتحب وتلاقي من تحبك اكثر من انت ماتحبها
ربنا يوفقك ويسعدك وتعرف طريقك
المرة هذه كثرت بالتعليقات بمدونتك اول مرة اكتب كل هذه التعليقات بموضوع واحد فيارب مكنش غلست عليك
تقبل مروري
سلامي ليك.

love is life يقول...

خواطرى مع الحياه
بجد انا بشكرك جدا على تعليقاتك
والله انا بالعكس سعيد بيها جدا
وانا فعلا بستفيد منكم جدا وببق محتاج لكم بجد تسلمى على رايك الجميل ده
وربنا يوفقنا جميعا